كل ما تريد معرفته عن حساب التوفير "صفوة" من المصرف المتحد: فرصة للادخار بعائد استثنائي يصل إلى 30% سنويا.
 |
| حساب توفير "صفوة" من المصرف المتحد بعائد 30% |
تفاصيل عن حساب توفير صفوة من المصرف المتحد
واحد من أفضل خيارات الادخار متاحة في السوق المصري, يأتى حساب توفير "صفوة" من المصرف المتحد. يمنحك عائد سنوي يصل لـ30%, وده عائد مميز جدًا مقارنة بحسابات التوفير الأخرى.الحساب متاح بشروط ومزايا كتير اليكم التفاصيل..
ما هو حساب توفير "صفوة" من المصرف المتحد؟
حيث قد أعلن المصرف المتحد عن طرح حساب توفير "صفوة", هو منتج مصرفي مُصمم خصيصًا للناس اللي بتدور على عائد عالي مع مرونة في السحب والإيداع لحين التسوية النهائية.
كذلك الحساب بيوفرلك دوريات صرف مختلفة للعائد, بتبدأ من شهري, وربع سنوي, ونصف سنوي, وبتوصل لسنوي بفائدة 30%, وده يعطيك حرية الاختيار حسب احتياجاتك المالية.
مزايا حساب توفير "صفوة" المقدم من المصرف المتحد
حساب توفير "صفوة" مش مجرد حساب ادخار عادي, هو أداة استثمارية متكاملة بتجمع بين المرونة, العائد المرتفع, والأمان. تعالَ نستعرض المزايا بالتفصيل:
1. عائد مرتفع: العائد بيصل لـ30% سنويًا, وده أعلى عائد متاح لحسابات التوفير في مصر. تقدر تختار بين دوريات صرف مختلفة للعائد:
- شهريًا: بتكون نسبة العائد 24%.
- ربع سنويًا: تكون نسبة العائد 24.50%.
- نصف سنويًا: بعائد بنسبة 25%.
- سنويًا: العائد الأعلى بنسبة 30%.
2. مرونة في السحب والإيداع: الحساب بيسمحلك تسحب وتودع بحرية وقت ما تحتاج وذلك لحين التسوية النهائية, بحيث أن العائد بيُحسب على أقل رصيد متاح خلال الشهر, وده ميزة ممتازة للناس اللي بتحب تتحكم في فلوسها.
3. مناسب لكل العملاء: الحساب متاح سواء كنت عميل حالي في المصرف المتحد أو عميل جديد، وده بيسهل على أي شخص إنه يبدأ.
4. حساب متوافق مع الشريعة الإسلامية: المصرف المتحد بيقدم نسخة من الحساب متوافقة مع أحكام الشريعة الإسلامية, حيث يعطي حساب "صفوة" للعميل حرية الاختيار ما بين فتح الحساب بالنظام التقليدي او المتوافق مع احكام الشريعة. علي ان يحتسب العائد علي اقل رصيد خلال الشهر داخل الحساب.
5. أمان مضمون: استثمارك مضمون بالكامل في واحد من أكبر البنوك المصرية"المصرف المتحد" وده بيضمن راحة بالك.
شروط فتح حساب "صفوة" من المصرف المتحد
فتح حساب "صفوة" بسيط جدًا ومش محتاج متطلبات معقدة. لكن في شوية شروط لازم تكون عارفها:
- الحد الأدنى للإيداع وفتح الحساب وبدء أحتساب العائد هو: 500 ألف جنيه مصري, مع ملاحظة ان العائد بيُحسب على أقل رصيد متاح في الحساب خلال الشهر.
- فتح حساب "صفوة" متاح للافراد فقط.
- الحساب بيتم بالعملة المحلية (الجنيه المصري) فقط.
المستندات المطلوبة لفتح حساب صفوة من المصرف المتحد:
- بطاقة الرقم القومي سارية.
- فاتورة مرافق حديثة (كهربا, مياه, أو غاز).
- مصاريف فتح الحساب هو 100 جنيه.
إزاي تفتح حساب "صفوة"؟
الإجراءات سهلة جدًا وبسيطة. الخطوات كالتالي:
- زور أقرب فرع للمصرف المتحد: اطلب من موظف خدمة العملاء فتح حساب "صفوة"، وهيساعدك في الإجراءات.
- قدم المستندات المطلوبة: زي بطاقة الرقم القومي وفاتورة مرافق حديثة, او اي مستند يطلبه منك البنك.
- حدد المبلغ اللي عايز تستثمره: لازم تبدأ بمبلغ 500,000 جنيه أو أكتر من اجل احتساب العائد.
- اختر دورية صرف العائد: لو محتاج دخل شهري ثابت, اختار العائد الشهري. لو بتحب تستفيد من أعلى عائد اختار العائد السنوي والذي يصل بفائدة 30%.
خليني أبسطلك الموضوع بمثال عملي: وهذا المثال نفترض فيه ان شخص يريد ان يستثمر في فتح حساب توفير "صفوة" من المصرف المتحد بمبلغ مليون جنيه مصري.
- لو استثمرت مليون جنيه مصري في حساب "صفوة": واخترت عائد شهري بنسبة (24%), هتحصل على 20,000 جنيه شهريًا, بإجمالي 240,000 جنيه سنويًا.
- لو استثمرت بنفس المبلغ عائد ربع سنوي (24.50%): هتحصل على 61,250 جنيه كل 3 شهور, بإجمالي 245,000 جنيه سنويًا.
- ان استثمرت بنفس المبلغ واخترت عائد نصف سنوي (25%): هتحصل على 125,000 جنيه كل 6 شهور, بإجمالي 250,000 جنيه سنويًا.
- ان استثمرت بمبلغ مليون جنيه واخترت عائد سنوي بنسبة (30%): هتحصل على 300,000 جنيه مرة واحدة في نهاية السنة.
أسئلة شائعة عن حساب "صفوة" المصرف المتحد
- هل الحساب متاح لفترة محدودة؟
لا, الحساب متاح حاليًا بدون قيود زمنية, لكن يُفضل التواصل مع البنك للتأكد.
- هل ممكن أفتح الحساب بمبلغ أقل من 500 ألف جنيه؟
الحد الأدنى المطلوب هو 500 ألف جنيه.
- هل الحساب بيحتاج مصاريف شهرية أو رسوم عالية؟
المصاريف الإدارية معقولة جدًا مقارنة بالعائد الكبير اللي بتحصل عليه.
فيديو توضيحي: كل حاجة عن حساب توفير "صفوة" لو عايز تعرف أكتر, شوف الفيديو ده اللي بيشرح كل التفاصيل:
حساب توفير "صفوة" من المصرف المتحد بعائد 30%, هو فرصتك للاستثمار الآمن والمربح. مع عائد يصل لـ30% ومرونة في السحب والإيداع, الحساب ده بيجمع بين كل المميزات اللي ممكن تحتاجها.
للدخول الي الموقع الالكتروني "المصرف المتحد" ومصدره الرسمي هنا
زور أقرب فرع للمصرف المتحد, ويمكنك ايضا طلب معلومات و التحدث إلى أي من ممثلي خدمة العملاء "المصرف المتحد" عن طريق الاتصال الخط الساخن بالرقم 19200
